FAKAMOLEMOLE pe 'e lava 'o to'o atu 'a e fo'i tohi ko 'eni mei he peesi talanga (letter and comments) 'a e website Matangi Tonga. 'Oku ou tui 'oku tuku mai 'e he tokotaha ni ha fa'ahinga fakakaukau 'oku 'ikai fe'unga ia mo e 'ulungaanga faka-Tonga.
'Oku ou poupou pe ki he fakakaukau ki hono ta'ofi 'a e ngaue'aki e CEDAW ka 'o kapau te tau pehe 'e fai 'e he kakai fefine 'a e fakakaukau ko 'eni ke solova 'aki e palopalema ko 'eni 'e fu'u ta'emalava ia pea 'oku 'ikai ha 'aku tui 'e tu'u hake ha taha fefine 'o uki 'a e fakakaukau ko 'eni koe 'uhinga koe 'ulungaanga 'etau nofo faka-tonga.
'Oku ou tui 'oku tau'ataina pe ke 'omai ha fakakaukau, tau pehe kapau 'e pehee... ka koe fakakaukau ko 'eni 'oku fu'u ta'efe'unga ia. Pea telia na'a tanumia 'a hotau anga fakafonua ha pehe 'e kakai fefine ia ke fakahoko 'a e fakakaukau ko 'eni kuo fokotu'u mai 'e Sione Mokofisi pea 'oku tau tui 'oku fakapulou'i he fakakaukau ni ia 'e konga maama lahi faka'ulia.
